لاصحاب المواقع : بنر فلاش للتذكير بمواعيد الصلاة بالاذان praying Reminder V1.0 Alpha

من طرف **Admin** الجمعة مايو 07, 2010 6:49 am

[center]بسم الله الرحمن الرحيم
السلام عليكم ورحمة الله و بركاته ..

يمكن الناس استغربت لما شافت حجم الفلاشة اللي فى البنر اللي تعدي الميجا ونصف بقليل ..
لكن الحقيقة دهشتهم هتزول لما يعرفوا إن اللي فى بنر ابداع ده مش مجرد بنر فيه مواعيد الصلاة وساعتين واحدة أنالوج والتانية ديجيتال،،

البنر ده عبارة عن نسخة فلاشية مصغرة من برنامج Ela-Salaty الشهير .. والحقيقة من مدي حبي وتقديري واعجابي بالبرنامج ده وبمطوروه اللي ربنا يجازيهم كل خير جت فى دماغي فكرة انى اعمل حاجة فلاشية للمواقع
واعتقد اني بمشيئة الله الاول اللي يخوض فى المسالة دي ..

الحقيقة قابلتني مشاكل كتيرة جدا وانا دفعت تمن اصراري على انى اعمل البنر ده ببرنامج السويش ماكس اللي لا يخفي على كثيرين ضعف امكانيات البرمجية و التقنية ..
وهو بالفعل مناسب جدا للاعمال اللي تعتمد اكثر على الشكل و التاثيرات المبهرة .. لكن عند اي مسائل تتعلق بالكودينج و الاكشن سكريبت الاندفانسيد بيظهر ضعفه الفعلي ..
الحقيقة اختياري للسويش ماكس فى التطبيق ده تحديدا كان مجرد تحدي لنفسي ، لكن الحمد لله نجحت فيه ..

دي النسخة الاولي من ال Flash Prying Reminder .. وهي الان فى طور التجارب
رغم انى الحقيقة بقالي 48 ساعة بضخضعها لتجارب كثيرة جدا ، لكن يبقي تجربة الزوار و الاعضاء اهم بكتير من تجارب المصمم او المبرمج نفسه ،،
بالتالي أكون سعيد جدا بتلقي استفساراتكم و طلباتكم واقتراحاتكم اللي ممكن انى اضيفها
وطبعا شكواكم ..

------------------------------------------
الاول هشرح ايه مميزات البنر ،،
وبعدين هشرح بالتفصيل الممل كيفية التعديل والتركيب لاصحاب المواقع (الغير مصرية) ..

1.
شكل مميز وانيق (ودي نشكر فيها اخونا شادي اللي اداني صورة مالهاش أي معالم وكنت بتعامل معاها زي اللي بيحفر فى البحر ) .. النسخة القادمة بمشيئة الله هخلي ستورمي يعملنا تصميم ليها..
2.
عرض مواعيد الصلاة وانا اخترت مدينة القاهرة بحكم انى مصري وان الموقع مصري واننا معظمنا كمصريين بيخضع لتوقيت القاهرة مع فروق بسيطة فى دقائق أقل او اعلي ..
3.
ساعة أنالوج مميزة .. والساعة دي تيبيكال من واحدة موجودة فى برنامج إلي صلاتي ..

1.
سبق وأن تم شرح بسيط جدا لكيفية عمل ساعة انالوج ..

2.
ساعة ديجيتال (رقمية) موجودة مع الساعة الأنالوج..
3.
البنر اوتوماتيكياً اوقات الصلاة الخمسة المخصصة لمدينة القاهرة كما سبق وأن وضحت .. هيقوم بالتالي
---------------------------------------------------------

1 - هتنزل ستارة بيضاء فوق البنر مع اختفاء لمواقيت الصلاة

2 - هيبدأ فى الاذان .. ويلاحظ ان أذان الفجر غير باقي الصلاوات لان اذان الفجر به اضافة وهي (الصلاة خير من النوم) .. وهو ده السبب الرئيسي فى كبر حجم الفلاشة ب 800 كيلو مرة واحدة .. طبعا كل واحد حر فى اختياره .. انا هحط الملف المفتوح وكل واحد ورغباته ..

4 - هيظهر نص بيكتب لك ان حان الان موعد أذان "كذا" .. حسب توقيت القاهرة + تذكير بان لا يلهي الانترنت عن الصلاة ..

5 - بعد الانتهاء من الاذان وبثواني هيشتغل دعاء الشيخ الشعراوي " اللهم رب هذه الدعوة التامة والصلاة القائمة .. الخ "

ثم هيعود البنر لوضعه السابق ..

-------------------------------------------------------

الان هشرح كيفية الاستفادة من الملف المفتوح وتعديله ،،

لتحميل الملف المفتوح إضغط هنا ..

الان افتح السورس باستخدام السويش ماكس ..

اولا لتعديل مواعيد الصلاة ..

ثم إذهب الي ****** ****** ..

عدل القيمة الموجودة بجوار الكود..

بمعني لتعديل مثلا مواعيد صلاة الفجر لتكون الساعة 7 صباحا و 20 دقيقة

يكون الكود ،،

كود:

(now.getHours()==7) && (now.getMinutes()==20)

بمعني ان التعديل يكون فى الارقام فقط ..

ولا تقم باي تعديلات فى باقي الكود ان كنت مش عارف انت بتعمل ايه ..

لتعديل الصورة التي بها مواقيت الصلاة ..

ثم ،،

وغير من هنا ..

ولاحظ ان الصورة تكون بصيغة Png والخلفية شفافة ..

لتعديل الاصوت إذهب الي ..

ثم اذهب ال ****** ****** ..

لتغير الكتابة التي تظهر وقت الاذان ..

إذهب الي ..

ثم ..

لتغيير صورة الخلفية ..

انا سايب للناس الملف المفتوح الخاص بالفوتوشوب للي يرغب فى ازالة اسم إبداع ،،

والحقيقة انا مش فارقة معايا كتير يتساب اسم ابداع فى الموضوع او مايتسابش المسألة كلها بالنسبة هي انتشار المشروع لا أكتر ولا أقل ..

لتحميل ال PSD من هنا ..

---------------------------------------------

بالنسبة لاي شخص او فرد او صاحب موقع تواجهه اي مشكلة فى التعديلات فقط يكتب هنا ويتركلي مواقيت الصلاة التي يرغب التعديل ليها + اسم المدينة ..

وانا هعدلهاله وارفعهاله بمشيئة الله ..

---------------------------------------------

بالنسبة لاصحاب المواقع او الراغبين فى تركيبها بمواقعهم او مدوناتهم ..

حمل هذا الملف ..

[ندعوك للتسجيل في المنتدى أو التعريف بنفسك لمعاينة هذا الرابط]

وركبه بموقعك بالمكان المرغوب فيه وابعاد البنر هي (400 بيكسل العرض) × (108 بيكسل الطول)

---------------------------------------------

بالنسبة لاصحاب المنتديات راغبي تركيبه فى البنر

انسخ هذا الكود فى المكان المرغوب به فى قالب ال Header..

رابط البنر باللون الاحمر غيره حسبما تشاء ..

كود:

<address>

كود:

<object *******=******:D27CDB6E-AE6D-11CF-96B8-444553540000" id="obj2" codebase="http://download.macromedia.com/pub/s...rsion=6,0,40,0" border="0" width="400" height="108">
<param name="movie" value="http://www.up-eibda3.com/ahmed/Projects/FES/Preview/index.swf"> <param name="quality" value="High"> <embed src="http://www.up-eibda3.com/ahmed/Projects/FES/Preview/index.swf" pluginspage="http://www.macromedia.com/go/getflashplayer" type="application/x-shockwave-flash" name="obj2" width="400" height="108"></object> </address>

---------------------------------------------

روابط وملفات اضافية ..

- الصور -

صورة خلفية الساعة الانالوج ..

صورة مواقيت الصلاة بخلفية شفافة ..

- الأصوات -

اّذان الفجر (من برنامج الي صلاتي)..

[ندعوك للتسجيل في المنتدى أو التعريف بنفسك لمعاينة هذا الرابط] r.mp3

صوت الاذان العادي لباقي الصلاوات ..

[ندعوك للتسجيل في المنتدى أو التعريف بنفسك لمعاينة هذا الرابط] er.mp3

دعاء مابعد الصلاة بصوت الشيخ الشعراوي رحمة الله عليه ..

[ندعوك للتسجيل في المنتدى أو التعريف بنفسك لمعاينة هذا الرابط] a.mp3

- ملفات مفتوحة -

الساعة الانالوج (عقارب) ..

[ندعوك للتسجيل في المنتدى أو التعريف بنفسك لمعاينة هذا الرابط] ogHour.swi

الساعة الديجيتال (الرقمية) ..

[ندعوك للتسجيل في المنتدى أو التعريف بنفسك لمعاينة هذا الرابط] talHour.swi

إنتهي الموضوع ..

فى انتظار أي اسئلة او استفسارات او طلب مساعة أو اقتراحات أو شكاوي للتطوير مستقبلا بمشيئة الله

مع وعد شخصي ان النسخة Beta هيكون فيها مميزات كتيرة جدا جدا بمشيئة الله ..

رجاء خاص الا تنسوني فى صالح دعائكم ،،

والموضوع يمكن للجميع نقله دون اي استئذان ..

في أمان الله

..

قريبا جدا بإذن الله الإصدار الجديد من praying Reminder

لأي أستفسارات برجاء وضع أستفسارك بالموضوع أو مراسلتي

ملاحظة هامة : قام بهذا العمل الأخ أحمد هلال جزاه الله خير الجزاء
في أمان الله
...

من طرف **zorro** الجمعة مايو 07, 2010 3:58 pm

مشكور اخي العزيز
وجزاك الله خيرا

لاصحاب المواقع : بنر فلاش للتذكير بمواعيد الصلاة بالاذان praying Reminder V1.0 Alpha

لاصحاب المواقع : بنر فلاش للتذكير بمواعيد الصلاة بالاذان praying Reminder V1.0 Alpha

رد: لاصحاب المواقع : بنر فلاش للتذكير بمواعيد الصلاة بالاذان praying Reminder V1.0 Alpha